攝影師之日常----造衫篇

平時我除左鍾意影相外,仲有鋪手作癮,有時在外國買道具衫仔時買唔到合心水尺碼都會手痕想自己車番件,旅行時又會鍾意行手作店買下布呀,鈕呀嗰啲。 呢匹布其實已很是去年在台灣旅行時候買的,隔左大半年終於忍唔住「寵幸」下。好欣賞台北的布料市場,幾層高又有冷氣,行得好舒服,買野都爽手啲。 (提外話,當地朋友介紹,台北布料市場附近有間賣麻油雞飯超級好食,街市外賣店來的,每日中午開賣前已經幾十人排隊,大概1個鐘左右賣晒就收檔⋯) 買道具服裝時,往往都係女仔款式居多,男仔都款式永遠都係少得可憐,所以今次決定造套坤士服比男仔啦⋯⋯ 這個尺碼適合約6個月大GENTLEMAN喔!

Dyson 吸塵機換電

幾年前於日本旅行時入手了Dyson吸塵機,比香港平好多,不過經過幾年洗禮後突然間有一日唔再著,由於水貨機無保養關係,正當我頭痛又要重新買機之際,助手話比我知,聽講水貨機都有得整,上網一查之下發現原來好多人都同我有一樣的問題,多數是因爲電池老化要換,原來幾百蚊就可以搵師傅換到一舊新的代用電。 於是拿拿聲拎去維修啦! 維修地點都好近地鐵站,就在「香工」裡面的樓上鋪 換左電池的吸塵機,又繼續生生猛猛咁吸塵喇!

攝影師之日常----洗衫篇

好多人錯覺認為我們拍攝只係同小朋友玩下,影下又一日,實好輕鬆。無錯,對住小朋友工作確實心情是愉快的,但除了拍攝同執相,其實我們背後仲有好多工作的。 特別是Newborn 貼身裹布同衫仔,由於太貴重,又經常需要清潔,唔想比洗衣機洗殘,唯有人手洗啦,嬰兒專用洗衣液我都研究左好多隻,睇左好多媽媽討論區,你們用過個個讚好我先敢買,仲要分開深色淺色洗至放心。 額,趁太陽伯伯未落山前要晾衫先,有太陽曬下感覺會乾淨D⋯⋯

網購開箱文

今次在美國買左好多包裹布同帽仔,可能好多人覺得,平平無奇的包裹布同帽仔,淘X都大把選擇,點解我們成日都花10倍以上價錢,山長水又遠咁在外國選購呢? 外國月亮係唔係大啲圓啲我地唔敢肯定,但外國買的道具,由質地、顏色、尺寸都比較合我們心水就係真的,尤其直接接觸BB 皮膚的物料特別不能鬆懈。 另外,有些毛冷不知道什麼原因,香港是沒有賣的,我很喜歡望落毛毛的感覺,BB戴著份外可愛,曾經拎住外國買的帽仔去毛冷店想配番差不多質地的冷自己織,竟然好多間都話無呢種冷賣,所以,有啲錢注定要比錢外國人賺的⋯⋯

新產品即將面市

每次有新的印刷公司向我招手,都會好頭痛, 因為照片印刷不同於其他產品,色差問題嚴重的話影響可以好大,所以很難下決定。 好多客人都向我們反映,想訂購相架等產品,為了幫大家搵到更好的產品,我們同事都開了很多次會研究、討論。 選擇印刷公司除了價錢需要合理之外,我們對印刷技術及紙張都有一定的要求,絕不隨便。今日收到其中一間印刷公司給我們的DEMO 照片,同一張照片於不同紙張上的表現都有不少分別。 可能一般人看著覺得分別不大,但我們眼晴受了長期訓練,特別奄尖。在10多款式,總算找到最配合我們的印刷品,之後還需要再進行較對等程序,好快就可以同大家見面啦~

Featured Posts
Recent Posts
Archive
Search By Tags
Follow Us
  • Facebook
  • Instagram

© 2020 by Mouton Photography. Proudly created with Wix.com

  • Facebook Social Icon
  • Instagram Social Icon
  • YouTube Social  Icon

Hong Kong